مجلة وفاء wafaamagazine
بعد مرور عام على انتفاضة 17 تشرين كتب المحامي حسن عادل بزي قائلا :
المفروض نكون تعلمنا أنه :
1- لازم نحصر العناوين والمطالب باستقلال السلطة القضائية ورفع الحصانات واستعادة الأموال المنهوبة وقانون انتخابي عادل مع ورقة اقتصادية تنهض بالبلاد دون ضرائب على الفقراء.
2- لازم نفهم أنه الشتائم والبذاءات وأعمال الصبينة والطيشنة بتخلي المحايدين يقرفوا أنه نحنا نكون البديل عن السلطة اللي عم نطالب بإسقاطها ومحاكمتها.
3- لازم نعترف أنه أحزاب الاشتراكي والمستقبل والقوات وغيرهم سرقوا الثورة وانه الاعلام الموجه احتكر العناوين السياسية ل 14 آذار وظهرها كأنها مطالب مجموعات الثورة لتحقيق مكاسب سياسية ضد قوى 8 آذار، وبالتالي ضروري نقول لكل الاحزاب انكم كنتم وسخ السلطة وهلأ أنتم وسخ الثورة.
4- ضروري نخفف ولادة مجموعات… مش كل 5 أشخاص عم يفقوا بزر ويأرغلوا يعملوا مجموعة ويفكروا حالهم غيفارا ويصيروا يخونوا ناس صارلها سنين بالشارع عم تناضل وتواجه هالمنظومة الفاسدة.
5- وآخر شي مش مقبول استغلال الثورة لتوجيه البوصلة والتماهي مع الأميركي والإسرائيلي ليصير هدفها سلاح المقاومة… بفهم أنه حزب الله شريك بالسلطة وساكت عن الفساد وأحياناً داعمه وجمهوره يخوّننا و… ولكن الخلط بين السياسة ، والمقاومة اللي حمت لبنان ودافعت عن أرضه وقدمت التضحيات ، بدل إما عن سذاجة بالوعي السياسي وإما عن مشروع نحنا واللي بيشبهونا بالشارع بريئين منه.
