مجلة وفاء wafaamagazine
نعى النائب علي بزي في بيان، المدير العام للشؤون الخارجية في مجلس النواب بلال شرارة قائلا: “العمر بيمرق مرقة طريق، يا ريتها الإيام تنزل مرايا السما، وعكازك يزين الريح، وتينة الوادي تحط راسها ع قلمك وتستريح، كان حرفك عطر القلب، وحبرك زيت سراج، وسرك بيوت الفقراء من اول حبة تراب بتلة مسعود وشلعبون حتى آخر كوفية وزيتونة بفلسطين”.
أضاف: “كان صوت الناس المغلوب على أمرها، وحارس احلام اللغة والفكر والحدود والتراب والبساتين والفلاحين ومواويل الشهداء والمناضلين. كان السيف المرفوع، والقلم المسنون، وصرخة الحق، والقصائد المشغولة على وزن أمل”.
وختم: “يا ريت الوقت كان أطول، يا ريت الوطن كان أجمل، كان الحكي على مسمعك. الله معك”.
