مجلة وفاء wafaamagazine
انتشر على مواقع التواصل الإجتماعي، خبر وفاة الشابة ميرنا غمراوي، بسبب انقطاع الكهرباء بشكل شبه دائم، وهي كانت بأمسّ الحاجة للتهوئة أو التكييف لأنّها حامل بتوأم بالشهر الثامن.
وفي هذا السياق، غرّدت الفنانة اليسا عبر حسابها على “تويتر”: “كان بدي ركز على شغلي تا خلي مساحة للفرح عند الناس، بس كل يوم منعيش مأساة جديدة. سيدة حامل تموت خنق من الشوب لأنو ما في كهربا. لوين بعد بدكن يانا نوصل؟ هيك مأساة بتستقيل عليها دولة بكاملها من رئيس الجمهورية. فل وخود كل الفاسدين معك. كلن يعني كلن”.
ونعتها صديقتها، قائلة: “انتقلت إلى رحمته تعالى صديقتنا العزيزة ميرنا غمراوي، ميرنا ما توفت بحادث سيارة ولا بالكورونا، ميرنا ماتت من الشوب ومن عدم توفر التهوئة (مروحة، AC) يلي هي بحاجتها لأنها حامل بتوأم بالشهر التامن… لأنو مقطوعة الكهربا!!”.
وأضافت: “ميرنا اختنقت لأن ما في هوا تتنفسو ومع وصول الصليب الأحمر كانت فارقت الحياة. ميرنا بالـ 2020 انقطع نفسها ونفس أطفالها يلي نطرت مجيئهم سنين طويلة وراحت ضحية صفقات الحرامية وعديمي الضمير ببلادنا. ميرنا كانت عطول تعتل هم قطعة الكهربا و”تنق” من الشوب وحال البلد إلى أن فارقتنا إلى الأبد”.
وتابعت: “يلي بيعرف ميرنا بيعرف قديش تحدت الحياة وظروف البلد ودايماً بالضحكة والنكتة”.
وختمت: “هنّي بدن بس ما خلوون، وما خلو ميرنا تعيش وتشوف ولادها ويشوفوها. الله يرحمك”.
وأرفقت منشورها بوسم “شهيدة كهرباء لبنان”، و”شهيدة صفقات الزعران” و”ما خلوها تعيش”.
